XX. mendeko Euskararen Corpus estatistikoa
Testuingurua
Bikotea kaialdeko ostatuanGAU lehenak alargun lez zabaldu ditu
bere erropa arrailduak.
Gauarekin iluna, eta olatu zakarrak
barraren kontra,
eta baforak katean, eta ahalegin alferren
gasoil usaina kaialde guzian,
eta amoranteak hor logela merke horretan
Eman dezagun, hilargiak leihotik argitua
haien gorputzen
biluztasuna elurrorein andana bat baino
ederragoa da.
Haien mogimendua abots sekretu batek
gidatzen du,
untziaren higidura kapitain misteriotsu batek
galeraren ondoren, itsasoaren
hondoan...
Baina ez da elurroreinik, ez kapitainik,
ez koltxoia baino hondoagorik.
Ez musikarik, ez kamararik, utz dezagun
amorante sekretuena
konparaziorik eta bla bla blarik gabe